دهستههلاتدارێن ئهڤغانستانێ كوشتنا جێگرێ پارێزگارێ كابۆلا پایتهختێ وهلاتێ خۆه، ژ ئهگهرێ پهقینهكێ راگههاند.
بهرپرسێن ئاساییشا ئهڤغانستانێ راگههاند، پهقین ب ئهگهرێ بۆمبهكرنا ترۆمبێلا محبوبوللا موحیبى رویدایه، ل دهمێ چوونا وى بۆ سهر كارى ب ههڤالینییا پاسهوانێن وى یێن تایبهت.
ل گۆرهى گۆتنێن بهرپرسێن ئهمنى، ترۆمبێلا محبوبوللا ژلایێ كهسێن نهنیاس ڤه هاتییه بۆمبهكرن، تا نها ژى چ لایهنان بهرپرسیارهتى ژ وێ پهقینێ نه راگههاندییه.
حهفتییا بوورى، داواكارهكێ گشتى ل رۆژههلاتێ كابۆل ل دهمێ چوونا وى بۆ سهر كارى، تهقه لێ هاتهكرن و گیانێ خۆه ژدهست دا.
د نها دا هێرش و توندوتیژیێن ئهڤغانستانێ ژلایێ چهكدارێن تالیبان و رێكخستنا داعش یا ئهڤغانستانێ ڤه دهێنهكرن و قوربانیێن مهزن دهێنه دان.
دهمێ چهند ههیڤایه تالیبان دگهل حكومهتا وى وهلاتى د دانوستاندنان دایه بۆ گههتشن ب رێكهفتنا ئاشتیێ، لێ ناكوكیێن مهزن د بیرورایێن ههردولایان دا ههنه، تالیبان داخوازا ئازادكرنا سهركرده و چهكدارێن گرتى دكهت وهك مهرجێ پێشیێ یێ رێكهفتنێ، بهرامبهر حكومهتا ئهڤغانستانێ راگرتنا هێرش و توندوتیژییان وهك مهرجێ سهرهكى یێ رێكهفتنێ ددانیت.
