ئیراق: دژى بلندبوونا بهایێ دۆلارى داخوازا خۆه‌نیشاندانان دهێته‌كرن

پشكه‌كا چالاكڤانێن سڤیل ل به‌غدا داخوازییه‌ك به‌لاڤكر و تێدا ژ خه‌لكێ ئیراقێ خواست، دژى بلندبوونا بهایێ دۆلارى خۆه‌نیشادانان بكه‌ن.

هه‌ژماره‌كا چالاكڤانێن سڤیل ل به‌غدا یا پایته‌خت، داخوازییه‌ك به‌لاڤكر و تێدا داخواز ژ وه‌لاتیێن ئیراقێ و پایته‌ختى كر، ل دژى بلندكرنا بهایێ دۆلارى به‌رامبه‌ر دینارى، ئه‌ڤرۆ رۆژا دوشه‌مبى ل گۆره‌پانا ته‌حریر خۆه‌نیشادانان بكه‌ن.

هه‌ر د وێ داخوازێ دا هاتییه‌، پێدڤى یه‌ پشكداربووى ب تنێ ئالایێ ئیراقێ دگه‌ل خۆه‌ بینن، نه‌ك یێ چ حزب و لایه‌نێن دى.

زێده‌تر ژى گوتیه‌، نابیت به‌نكا ناڤه‌ندى یا ئیراقێ یا سه‌ر ب حكومه‌تا فیدرال ل سه‌ر حسابا وه‌لاتییان بهایێ دۆلارى بلند بكه‌ت.