ئهندامهكێ فهرماندهیێ هێزێن پێشمهرگهیێ كوردستانێ ل شنگالێ ئاشكرا كر، بهرى نوكه چار هزار كوردێن ئێزیدى د ناڤ گرۆپێ نهقانوونى دا چالاكى ههبوون، بهلێ نوكه بتنێ هزار كهس یێن ماین و سێ هزار كهسان ژى دهست یا ژێ بهردایى، یێن مایى ژى خهلكێ بیانى نه.
قاسم دهربۆ، ئهندامێ فهرماندهیێ هێزێن پێشمهرگهیێ كوردستانێ ل شنگالێ راگههاندییه، تا نوكه 90% چهكدارێن گرۆپێن نهقانوونى ل چیایێ شنگالێ نه و خهلكێ بیانى و عهرهب د ناڤ وان گرۆپان دا ههنه و ب تایبهت ژلایێ پهكهكێ ڤه هاتینه وهرگرتن.
وى فهرماندهیى ئهو چهنده ژى خویاكر، پتریا وان كهسانێن د ناڤ ڤان گرۆپان دا و دهست ژێ بهرداین، ئهون یێن گههشتینه وێ باوهریێ كو ئهڤ گرۆپێن نهقانوونى بۆ مهرهم و ئارمانجێن خوهیێن سیاسێن هاتینه ناڤ شنگالێ و بنهجهـ بووینه و ههتا نها ژى قهزا شنگال چول نهكرییه.
قاسم دربۆى ئاماژه ب وێ چهندێ ژى دایه كو ئارمانجا وان ئهوه تهناهى و سهقامگیریا د ناڤ شنگالێ دا ههیى جێگیر نهبیت، ژبهركو ئهو باش دزانن كو رۆژهك دێ هێت و شنگال ژ دهستێن وان دهركهڤیت، ژبهر هندێ ئهو كار دكهن بۆ تێكدانا رهوشا شنگالێ و زێدهتر ئالۆزیان پهیدا دكهن.
