خانى نیوز:
پارێزەرەکێ سەلاحەدین دەمیرتاشى راگەھاندییه، ل ڤان نێزیكان دێ ھەڤسەرۆکێ بەرێ یێ ھەدەپێ ھێتە ئازاد کرن.
مەحسون کارەمان، پارێزەرێ ھەڤسەرۆکێ پارتیا دیموکراتا گەلان “ھەدەپێ” سهلاحهدین دهمیرتاشى، د چاڤپێکەفتنەکێ دا ل گەل مالپەرێ دوڤار یێ تورکی راگەھاندییه: نابیت دەستھەلاتدارێن تورکیا بێژن ئهم بریارا دادگەھا مافێ مرۆڤی یا ئورۆپا بۆ ئازاد کرنا دەمیرتاشى جێبەجێناکەین، چونکی پابەندبوون ب بریارا دادگەھا مافێ مرۆڤی مادەکێ دستۆرییە و د دستۆرێ تورکیا دا ھەیە، ل سەردەمێ دەستھەلاتا پارتیا داد و گەشەپێدانێ ئەو مادە د دستۆری دا ھاتییە زێدە کرن.
مەحسون کارەمانى دیار كرییه ژى،” ل ڤان نێزیکان دێ سەلاحەدین دەمیرتاش ھێتە ئازاد کرن، ههروهسا بریارا دادگەھا ئورۆپا دێ کارتێکرنێ ل سەر دوسییا سیاستەمەدارێن دیتر یێن کورد ژی ههبیت، ئهڤ بریارا دادگهها ئورۆپى دێ بیته رێخۆشكهر كو زیندانى یێن دیتر ژى یێن كورد بهینه ئازاد كرن.
