خوارنا فێقیێ پرتەقالێ مفا بۆ نەخۆشێن ئێشا شەکرێ ھەیە و رێژەیا گلوکۆزێ د ناڤ خوینا وان دا کێم دکەت.
ل گۆر ڤەکۆلینێن نوو یێن ئێکەتییا ناڤدەولەتی یا ئێشا شەکرێ، فێقیێ پرتەقالێ ھاریکارییا نەخۆشێن ئێشا شەکرێ دکەت ژ بۆ کێمکرنا رێژەیا گلوکۆزێ د ناڤ خوینێ دا و ل گۆر ڤەکۆلینێن زانستی یێن ل سەر ھاتینە کرن، دیاربوو کو خوارنا فێقی و کەسکاتی یێن کیمیایێن رووەکی تێدا د زۆر، رێگریێ ل بلندبوونا رێژەیا گلوکۆزێ و توشبوون ب نەخۆشیا شەکرێ دکەن.
ھەر د وێ خواندنێ دا ڤەکۆلین ل سەر ٢٠ پشکداران ھاتییە کرن، کێشا ١٣ ژوان نۆرمال بوو و ٧ یێن دی د قەلەو بوون و ژیێ ھەموویان دنێڤبەرا ٢٠ تا ٢٢ سالان بوون و ھەموویان پرتەقال، شەربەتا پرتەقالێ و شەربەتا پرتەقالێ یا دەستکرد ل سەر وان تێست کرینە و رێژەیێن گلوکۆز و ئەنسولینێ د لەشێ وان دا ژ ئالیێ بسپۆران ھاتییە نرخاندن و خویا بوویە کو وان ھەرسێ سامپلێن پرتەقالێ چ گھۆرینێن مەزن د ئاستێ گلوکۆز و ئەنسولینێ دا پەیدانەکرن.
ھەروەھا د ئەنجامێ کارتێکرنا ھەرسێ سامپلێن پرتەقالێ دا دیاربوو کو رێژەیا ریشالۆكان د پرتەقالا ساخ دا و رێژەیا ماددەیێن کیمیایی یێن رووەکی و ئەنتی ئۆکسید د شەربەتا پرتەقالا سروشتی و یا دەستکرد دا ئەگەرێن سەرەکی نە بۆ کارتێکرنێ ل دژی نەخۆشیا شەکرێ.
