مامۆستایەکێ زانکۆیا دھۆکێ ئاشکراکر کو ئیراق وەلاتەکێ لاوازە ھمبەری تورکیا و ئیرانێ و بێ رێکەفتن ل گەل ھەردو وەلاتان نەشێت ھەر چ گاڤان بھاڤێژیت، لێ نھا پارێ ئیراقێ بەرامبەر پارێن تورکیا، ئیرانێ، سوریا ب سەنگترە.
عەلی ئیراھیم باغ، مامۆستایێ زانکۆیا دھۆک بۆ خانی نیۆز گۆت: کورد نوکە گەلەک پێدڤی ب بەغدا نە لەوما ژی شاندێ کوردی دو حەفتیان ما ل بەغدا، ئەڤجارە بجھئینانا رێکەفتنێ باشترە ژ جارێن بووری، بەلێ ئەڤە وێ ناگەھینت کو دێ رێکەفتن ھێتە بجھئینان ژبەرکو ھێشتا کێشە ماینە، لێ ئەو گەشبینن کو رێککەفتن دێ دھێتە بجھئینان ژبەرکو کوردان چ رێک نین ژبلی رێکەفتنێ ل بەغدا.
عەلی ئیراھیم گۆت ژی: یەدەکێ پارێ بەنکا ناڤەندی کێم بوویە، زێدەباری دۆلار کێم دھێت، ژبەرکو ئیراق ب تنێ دشێت دو ملیۆن و نیڤ بەرمیلێن پەترۆلێ رۆژانە بفرۆشیت و پێشتر زێدەتری چار ملیۆن بەرمیلان دفرۆتن، بھایێ بەرمیلێ دێ وەک خو مینیت ھەکە زێدەتر لێ نەھێت.
خانی نیۆز، سالار محەمەد دۆسکی:
