میلیشیایێن حەشدا شەعبی یا ئیراقێ ب سەر ئاڤاھیێن دەردۆرا فرۆکخانەیا بەغدا گرت و وێنەیێن وان د سوشیال میدیایێ دا بەلاڤ بووینە.
خوەنیشادانێن میلیشیایێن حەشدا شەعبی یێن ئالیگرێن کۆمارا ئیسلامییا ئیرانێ ئەڤرۆ ل سالڤەگەرا کوشتنا قاسم سولەیمانی و ئەبو مەھدی موھهندس دەستپیکرن، یێن سالا بووری وەکو ئەڤرۆ سیێ کانوونا دویێ ژ ئالیی فرۆکەیەکا ئەمریکا ڤە ل فرۆکخانەیا بەغدا ھاتینە کوشتن.
ژێدەرێن ئێمناھییا ئیراقێ دیار دکەن کو دوھی رۆژا شەمبی ھێزێن ئێمناھییا ئیراقێ د ئامادەباشییێ دابوون وەکو بەرھەڤی بۆ خوەنیشادانێن ئەڤرۆ، ل گۆرەی وان زانیاریان ژی ھێزێن ئێمناھیێ رێکارێن توند بۆ پاراستنا بارەگەھێن دبلۆماسیێن وەلاتین بیانی گرتینە بەر.
د چارچووڤێ خوەنیشادانێن میلیشیایێن حەشدا شەعبی دا کو ڤیدیۆیین وان د تۆرێن جڤاکی دا بەلاڤ بووینە، وان میلیشیایان ب سەر ئاڤاھیێن دەردۆرا فرۆکخانەیا بەغدا گرتییە و خوەنیشادانێن وان تا نھا بەردەوامن.
میلیشیایێن حەشدا شەعبی ب سەر ئاڤاھیێن فرۆکخانەیا بەغدا دا گرت
