شاندەکا مەکتەبا سیاسیا پارتییا دیموکراتا کوردستان، دگەل مەکتەبا سیاسییا بزاڤا ئیسلامی کۆمبوو.دەمژمێر ٢ی پشتی نیڤرۆ چوارشەمبی ١٣-١ ٢٠٢١ێ شاندا مەکتەبا سیاسیا پارتی یا دیموکراتا کوردستانێ دگەل مەکتەبا سیاسییا بزاڤا ئیسلامی کۆمبوو. ل گۆری زانیاریێن خانی نیوز ئەڤ کۆمبوونە دچوارچووڤێ وان کۆمبوونایە کو پارتی دێ دگەل ھەموو لایان ل سەر وان ئاریشێن د ناڤبەرا ھەڤلێرێ و بەغدادا و ئێک ھەلویستییا لایەنێن سیاسی بۆ چارەسەرکرنا ئاریشان دانوستاندنێ کەت.
ل گۆری زانیاریێن ب دەست خانی نیوز کەفتین بریارە پارتی دگەل ھەموو لایەنێن سیاسی کۆمببیت، پێشتر ژی کاکەمین نەجار ئەندامێ مەکتەبا سیاسییا پارتی بۆ مالپەرێ فەرمی یێ پارتی راگەھاندبوو کو ھەر ئەڤرۆ دێ ل گەل حزبا شیوعی کۆمبن و سوبەھی پێنجشەمبی ژی دێ دگەل شاندێ ئێکەتیێ ل ھەڤلێرێ کۆمبین، ئارمانج ژ سەرەدانێ ژی دروستکرنا کەشەکێ ئارام و تێگەھشتنەکا ھەڤپشکە دناڤبەرا ھەموو لایەنێن سیاسی دا ھەبیت.
