پشتی پتر ژ چار سالان کار ل سەر ھاتیەکرن و ھاتیە بەرھەمئینان نوکە ھزر ل پشکا دووێ و سیێ یا دۆامایا چهرخ و فهلهك دھێتەکرن.
بیلال شاکر، نڤیسەر و دەرھێنەرێ درامایا چەرخ و فەلەک بۆ خانی نیوز گۆت: سیناریۆیا دراما چەرخ و فەلەک ل دەسپێکێ بۆ فلمەکێ سینەمایی نڤیسی بوو، لێ پشتی چەند بابەتێن نوو ھاتینە د ناڤ سیناریۆیێ دا ھزرکر بۆ زنجیرەکا درامای یا (٣٠) خەلەکە بھێتە دروستکرن، پتر ژ دو سالان ب نڤێسینا وێ ڤە مژوول بوو و دو سالان پێداچوون تێدا ھاتەکرن، پشتی ب دوماھی ھاتی کار ل سەر کارکرنێ ھاتەکرن کو بەرھمھێنەرێن ڤی کاری (ھشیار زێرو نێروەی، میران سابر) ب پشتەڤانیا دو کۆمپانیان دەست ب ڤی کاری ھاتەکرن.
ناڤبری گۆت: مەزاختیێ ڤێ درامایێ ب رێژا ١٢% ژلایێ وەزارەتا رەوشەنبیری ڤە ھاتیە دابینکرن و یێ دی ژلایێ دو کۆمپانیان ڤە، پتر ژ پێنچ ھەیڤان کارێ وێنەگرتنێ ل سەر ھاتەکرن، لێ کۆرۆنایێ گەلەک کارتێکرن ل سەر ھەبوو و کار ھاتە راوستاندن و چەند کێشێن دی ژی ھەبووینە، ستافێ درامایێ ژى ھندەک خەلکێ کوردستانێ و خەلکێ بیانى نه و پتریا ئەکتەران بۆ جارا ئێکێ بوو بھێنە د ناڤ درامایەکا کوردی دا.
ل دۆر چیرۆکا درامایێ ژی، دەرھێنەرێ دراما چەرخ و فەلەک گۆت: چیرۆکەکا جڤاکی یه دناڤبەرا دو خێزانان دا، پشتی وێنەگرتنێ بۆ دهمێ پێنچ ھەیڤان کار ل سەر مونتاژکرنێ و دەنگی ھاتەکرن، نوکە ئەڤ دارامایە ل سەر تەلەڤزیونەکا لوکال دھێتە بهخشكرن.
ناڤبری گۆت: دنڤێسینا درامایێ دا ھزر ل پشکا دویێ و سیێ ھاتیەکرن و دراما ب دوماھی نەھاتیە و دێ بەردەوام بیت، ئەڤە پشتی پێداچووونەکا ھویر ل سەر دھێتەکرن.
خانی نیوز، سالار محەمەد دۆسکی:
