ل دووڤ راگەهاندنهكا وەزارەتا دەرڤه یا ئیراقێ، یانس ستۆلتنبێرگ، سکرتێرێ گشتی یێ ناتۆ ب تەلەفۆنێ پەیوەندی ب د. فوئاد حوسێنى، وەزیرێ دەرڤه یێ ئیراقێ کرییه، ل دهستپێكێ پیرۆزباهى لێكرییه ب ههلكهفتا سەرکەفتنا سەرهدانا مێژوویى یا پاپا فرانسیس بۆ ئێراقێ.
سکرتێرێ گشتی یێ ناتۆ و وەزیرێ دەرڤه یێ ئێراق گوتۆبێژ کرینه دهربارەی هاریکاری و کارێ ههڤبەش یێ د ناڤبهرا ئێراقێ و ناتۆ دا د كڤانێ سەروەرییا تهمام یا ئێراقێ و بڕیارێن حکومەتا وى وهلاتى.
ئەمیندارێ گشتی یێ ناتۆیێ گوتییه ژى، ئەرکێ هێزێن وان ب تنێ مەشق و راهێنان و پێشکێشکرنا پشتهڤانییا لۆجستییە بۆ هێز و دەزگههێن ئاسایشا ئێراقێ، هەردوو ئالى رێککەفتینه ل سهر بەردەوامبوونا ههماههنگییێ، ل دژى داعشێ.
د وێ پەیوەندییا تەلەفۆنی دا، سکرتێرێ گشتی یێ ناتۆیێ داخواز ژ فوئاد حوسێنى کرییە پشكداریێ د کۆمبوونا داهاتییا سەرجەم بالیۆزێن ناتۆ بکهت، کو بریارە ب شێوێ ئۆنلاین ل رۆژانێن داهاتی دا بهێته ئهنجامدان، ههروهسا تێدا تیشک خستییه سەر رهوشا سیاسی و ئەمنی ل ئیراقێ و پەیوەندیێن وان ل گهل وهلاتێن ڤێ دهڤهرێ.
