وهزیرێ رهوشهنبیرى و لاوان ل حكومهتا ههرێما كوردستانێ، ئهڤرۆ رۆژا پێنجشهمبى راگههاند، كو كێمیا دراڤێ تهرخانكرى بۆ چالاكییان و بهلاڤبوونا ڤایرۆسێ كۆرۆنایێ، بووینه ئهگهرێ ههلاویستنا كار و چالاكیێن وهزارهتێ.
حهمه حهمه سەعيد، د پرێسكونفرانسهكێ ههڤپشك دا دگهل پارێزگارێ سلێمانیێ ههڤال ئهبۆ بهكر ئاماژه دایه كو چ چالاكى ل وهزارهتێ ناهێنه كرن و ل دهۆك و ههولێرێ ژى ب راستى كارێن وان و چالاكیێن وان ب تەمامى د راوهستیاینه.
گۆت ژى، كو ئهو چالاكیێن ل ههلهبچه و سلێمانیێ و گهرمیان و راپهرینێ د دهمێن بوری دا هاتینه كرن ههموو ل سهر مهزاختییا پارێزگهها سلێمانیێ پایتهختێ رهوشهنبیرى بووینه.
وهزیرى ئاماژه ب هندێ ژى دایه كو چێدبیت ئهڤ ساله چالاكى زێدهتر بن ل ههموو ههرێمێ، بهلێ كۆرۆنایێ ههموو تشتهك بهرتهنگ كرییه.
