بزاڤێن کێمکرنا قستێن ب دۆلاری دھێنەکرن

پشتی بھایێ دۆلاری بەرامبەری دینارێ ئیراقی بلند بووی گەلەک کۆمپانییایێن وەرگرتنا قستان ب دۆلاری دگەل وەلاتییان راستی ھندەک ئاریشەیان بووینە، ژ بەر کۆ خەلکێ ھەرێمێ مووچەی ب دیناری وەردگرن و بۆ وان بارگرانییە ب دولاری قستان بدەن.
سەرۆکایەتییا دەستەیا وەبەرھێنانێ ل ھەرێما کوردستانێ ژی کار ل سەر بابەتێ دانا قستان دکەت، داکو بشێن ھندەک رێنمایێن نوو بۆ دانا قستان ب دۆلاری دیارکەن، و بارۆدوخێ ژیانا خەلکی بەرچاڤ بھێتە وەرگرتن.
کوردو ئێحسان رێڤەبەرێ گشتی یێ وەبەرھێنانێ ل پارێزگەھا دھۆکێ بۆ خانی نیوز دیارکر: دەستەیا وەبەرھێنانێ دێ ھەموو بزاڤان کەت ھندەک رێکارێن نوو بۆ دانا قستان ب دۆلاری دیارکەت داکو خودانێن قستان ژی بکارن سەرەدەریێ دگەل دا بکەن.
ناڤبری خویاکر ژی: ل نێزیک دێ دەرئەنجامێن وێ دووڤچوونێ ھێنە دیارکرن و ھەر رێکارەکا نوو دەرکەڤیت و دێ ھێتە ئاراستە کرن بۆ وان کۆمپانییێن وەبەرھێنانێ یێن ب دۆلاری قستی وەردگرن، دا کو ل دووڤ وان رینمایان قست بھێنە دان.

 خانی نیوز، عه‌بدوللا عه‌لی