سەرۆکا پەرلەمانێ کوردستانێ ل دۆر ھێرشا سەر فرۆکخانەیا ھەولێرێ راگەھاند، ھێرشکرنا ل سەر ھەولێرێ گاڤەکا ترسنۆک و خڕشە بۆ تێکدانان ئارامییا ھەرێما کوردستانێ.
د. رێواز فایەق، د تویتەکی دا راگەھاند، ھێرشکرنا ل سەر ھەولێرێ گاڤەکا ترسنۆک و خڕشە بۆ تێکدانان ئارامییا پایتەختێ ھەرێما کوردستانێ، د وی دەمی دا ھەولێر کەلایەکا مۆکم وەکو ورەیا پێشمەرگەی یا بھێز خۆراگرە.
شەڤا چارشەمب ل سەر پێنجشەمبی سەعەت ١٠ و ٥٠ خۆلەک ب رێیا درۆنەکا تی ئێن تی کری ھێرش ل سەر بنگەھەکێ ھەڤپەیمانییا ناڤدەولەتی ل فرۆکخانەیا ھەولێرێ ھات کرن و چ زیانێن گیانی نەبوون، ھەمان دەم ھێرش ل سەر بنگەھێ سەربازی یێ سوپایێ تورکیا ل دەڤەرا باشیکێ ھاتە کرن و سەربازەکێ تورک ھات کوشتن و کچەکا سڤیل بریندار بوویە.
