مەکگۆرک: ب ناڤێ بایدنى پشته‌ڤانییا ئەمریکا بۆ هەرێما كوردستانێ دوپات دکەم

برێت مەکگۆرک هەماهەنگکارێ جڤاتا ئاساییشا نیشتمانیا ئەمریکا ل رۆژهەلاتا ناڤین و باکورێ ئەفریقیا راگەهاند، ب ناڤێ سەرۆک بایدنى پشته‌ڤانییا ب هێز یا ئەمریکا بۆ خەلک و حکومەتا هەرێما کوردستانێ دوپات دکەت.

د گوتاره‌كێ دا ل ئیڤێنتا تایبەت ب بوورینا 30 سالییا دروستکرنا ده‌ڤه‌را ئارام بۆ کوردستانێ مەکگۆرکى گۆت: ده‌ڤه‌را ئارام سەلماند ئەگەر مرۆڤایەتیێ بكه‌نه سەرپشكا سیاسەتا دەرڤە، دێ شێن گه‌له‌ك کارێن باش کەن و ئیدارا سەرۆک بایدنى ژى هەمان سیاسەت هەیە.

مەکگۆرک گۆت ژی: نها كوردان د ئیدارەیا بایدنى دا گه‌له‌ك دۆست هەنە، دیسان ب پشتراستى ڤه‌ ب ناڤێ سەرۆک بایدنى، کو دۆسته‌كێ نێزیکى کوردانه‌ و سه‌ربۆره‌كا مه‌زن ل گەل کوردان هەیە، دخوازم ب ناڤێ سەرۆک بایدنى پشته‌ڤانییا ب هێز یا ئەمریکا بۆ خەلک و حکومەتا هەرێما کوردستانێ دوپات دکەتە ڤە، رێزێ ل وان قاره‌مانان ژى دگرن یێن ده‌ڤه‌را ئارام بۆ هەرێما کوردستانێ دروست کرى.