په‌رله‌مانێ كوردستانێ دێ كۆم بیت

په‌رله‌مانى كوردستانێ  دێ كۆم بیت و دانوستاندنێ ل سه‌ر چه‌ند پێشنیازێن قانوونى كه‌ت، د ناڤ دا وزا هه‌تاڤێ وه‌ك ژێده‌ره‌ك بۆ به‌رهه‌مئینانا كاره‌بێ ل هه‌رێما كوردستانێ.

رێواز فایەق، سه‌رۆكا په‌رله‌مانێ كوردستانی د راگه‌هاندنه‌كێ دا به‌لاڤكر،  په‌رله‌مانێ كوردستانێ ئه‌ڤرۆ چارشه‌مبى دێ كۆم بیت و ته‌وه‌رێ ئێكێ دا دێ به‌حس ل خواندنا ئێكێ بۆ پێشنیازا قانوونا پاراستنا به‌لگه‌نامان و ده‌ستنڤیسان كه‌ت.

ئاماژه‌ ب هندێ ژى كر، د ته‌وه‌رێ دویێ دا ب بۆچوونا په‌رله‌مانتار لیزا فەلەکەدین کاکەیی، گرێدایى ب وزا هه‌تاڤێ وه‌كو ئێك ژ ژێده‌رێن‌ به‌رهه‌مئینانا كاره‌بێ ل هه‌رێما كوردستانێ دێ به‌رچاڤكه‌ن.

سه‌رۆكا په‌رله‌مانێ كوردستانێ گۆت ژى، خواندنا ئێكێ بۆ پروژه‌قانوونا دادگه‌ها تاوانان یا تایبه‌ت ب تاوانێن داعشێ ل هه‌رێما كوردستانێ دێ هێته‌كرن.