كۆمپانیێن توركى دێ ڤه‌گه‌رنه‌ بازارێن هه‌رێما كوردستانێ

توركیا دخوازیت كۆمپانیێن وێ ڤه‌گه‌رنه‌ كه‌رتێ تایبه‌ت و بهێز د ناڤ بازارێن هه‌رێما كوردستانێ دا، ب سه‌دان كۆمپانى به‌رى هاتنا رێكخستنا تیرۆرستییا داعشێ و دروستبوونا قه‌یرانێن ئابوورى ل هه‌رێما كوردستانێ كار دكر.

هاكان كاراجایى، كونسلێ گشتیێ توركیا ل هه‌ولێرێ، د پرێسكۆنفرانسه‌كێ هه‌ڤپشك دا د گه‌ل ئالان حه‌مه‌ سه‌عید، وه‌زیرێ په‌روه‌ردێ  راگه‌هاند، په‌یوه‌ندیێن بازرگانى دناڤبه‌را هه‌رێمێ و توركیا دا بهێزن، به‌رى نوكه‌ 3000 كۆمپانیێن توركى ل كوردستانێ كار دكر و د به‌رده‌وام و د چالاك بوون، به‌لێ پشتى شه‌رێ داعشێ و ئه‌و قه‌یرانێن داراییێن په‌یدابووین هه‌ژمارا وان كۆمپانییان كێم بوو.

كاراجایى گۆت: نوكه‌ بۆ ڤه‌گه‌راندنا وان كۆمپانییان و گه‌شه‌كرنا په‌یوه‌ندیێن ئابوورى دناڤبه‌را هه‌ولێرێ و ئه‌نقه‌ره‌ دا كار دكه‌ن.