گوندێ ئه‌دنێ هاته‌ چوولكرن

گوندێ ئه‌دنێ ل ده‌ڤه‌را به‌روارى بالا ژ ئالیێ تۆپخانا سوپایێ توركیا ڤه‌ هاته‌ تۆپبارانكرن و ئه‌ڤرۆ ژ نه‌چارى گوند هاته‌ چوولكرن.

ئه‌حمه‌د ئه‌دنى، رۆژنامه‌ڤان و خه‌لكی گوندێ ئه‌دنێ بۆ خانى نیوز راگه‌هاند، پشتى روودانێن تۆپبارانا گوندێ دیشێشێ و كێسته‌ و هرۆرێ، بۆ ده‌مێ سێ رۆژانه‌ سوپایێ توركیا گوندێ ئه‌دنێ تۆپباران دكه‌ت، ئه‌ڤرۆ ژ نه‌چارى خه‌لكێ گوندى مالێن خوه‌ بجهـ هێلان و گوند چوولكر.

ئاشكرا ژى كر، ده‌مه‌كێ درێژه‌ باره‌گه‌هێن پارتییا كاركه‌رێن كوردستانێ په‌كه‌كێ ل ئه‌دنێ هه‌ین و بۆ جارا ئێكێ ئه‌و گوند دهێته‌ تۆپبارانكرن، ئه‌ڤرۆ ژى پرۆژێ ئاڤا گوندى ژ ئه‌نجامێ تۆپبارانێ ژ كاركه‌فت و گوندیان قه‌ستا گوندێن ده‌ردۆرا ئه‌دنێ كرییه‌.