بریکارێ وەزارەتا پلاندانانێ: مە پلانەکا ١٠ سالی بۆ ھەرێمێ دانایە

بریکارێ وەزارەتا پلاندانانا هه‌رێمێ دیار كر: ب چاڤدێرییا وەزیرێ پلاندانانێ و بریکارێ وەزارەتا بازرگانی و پیشەسازی، ساخلەمی و پەروەردە، ئه‌ڤرۆ لژنا بلند یا لێنێرینا ٢٠٣٠ ل وەزارەتا پلاندانێ کۆمبووینە بۆ ئامادەکرنا پلانەکا ١٠ سالی ل ھەرێما کوردستانێ.

زاگرۆس فه‌تاحى گوت ژی،” ل سالا بوورى وەزارەتا پلاندانانێ ب ھەڤکاری ل گەل وەزارەتێن پەیوەندیدار ب رێیا دوو لژنەیان مژوولی ئامادەکرنا لێنێرینا ٢٠٣٠ یا ھەرێما کوردستانێ یە، د نوکە دا ڕەشنڤیسێ لێنێرینا ٢٠٣٠ ھاتییە ئامادەکرن و ژلایێ لژنا بلند دێ پێداچوون تێدا هێته‌ كرن داکو تێبینی و پێشنیارێن خوه‌ تێدا دیار بکەن.
ناڤهاتى گوت ژی،” ئەو لێنێرینە دێ یا گشتگیربیت و پلان و ئارمانجێن حکومەتێ بۆ ١٠ سالێن داهاتى ل ھەموو سێکتەرێن جۆدا دێ ب خوه‌ڤە گرن و نەخشەرێیەکا گەھشتن ب ئارمانجێن ستراتیژی دێ رووهن کەت.