سەرۆکێ حکومەتا هەرێما کوردستانێ، ئهڤرۆ دوشهمبى 31-5- 2021ێ پێشوازی ل پارێزگارێ بەسرا کر و بهحس ل مفا وهرگرتنێ ژ سهربۆرا سەرکەفتییا هەرێما کوردستانێ د وارێ ئاڤهدانكرن و پێشکێشکرنا خزمەتگوزارییان دا كر.
مهسروور بارزانى و ئەسعەد ئەلعیدانی د دیدارهكێ دا بهحس ل سهربۆرا ههرێما كوردستانێ د وارێ ئاڤهدانكرن دا كر و پارێزگارێ بهسرا دوپات كر كو ئەو ئاخفتن راست نين کو هەرێما کوردستانێ ل سەر حسابا بەسرا و پارێزگههێن دیێن ئیراقێ پێشکەفتییه.
پاڕیزگارێ بەسڕا دوپات ژى كر كو سیستهمێ حوكمرانییا ئیراقێ فیدرالییە و نهناڤەندیه، ژبهر وێ یهكێ پێدڤییه هەرێم و پارێزگههێن ئیراقێ ب شێوەیەکێ راستەقینە د دەسههلات و بڕیاردانان دا پشكدار بن و نابیت ئیراق ب شێوەیەکێ مەرکەزی بهێته برێڤهبرن.
مهسروور بارزانى بهرههڤییا هەرێما کوردستانێ بۆ هەر ههڤکاری و هەماهەنگییەکێ دگەل پارێزگارێ بەسرا و پارێزگههێن دیێن ئیراقێ دەربڕی و دوپات ژى کر کو ئیراق، ژلایێ سامانێن مرۆڤی و سروشتیی ڤه وهلاتهکێ دەوڵەمەندە و ئەگەر حوکمرانی و رێڤهبرنهكا باش هەبیت، دەرفەتا هندێ هەیە، ببیته ئێك ژ وهلاتێن پێشکەفتیێن دهڤهرێ.
