سەرۆکاتییا کۆمارا ئێراقێ دهربارەی شەهیدبوونا پێنج پێشمەرگەیان و برینداربوونا حەفت پێشمەرگەیێن دیتر راگههاندنهك بهلاڤكرییه تێدا هاتییه:ههبوونا ھێزێن چەکدارێن پارتییا کرێکارێن کوردستانێ – پەکەکێ – دناڤا ئاخا ئێراقێ و ھەرێما کوردستانێ یا نه قانوونییه و پێدڤییە سنۆرهك بۆ وان دەست درێژیان بهێته دانان.
سەرۆکاتییا کۆمارى ب نیگەرانی چاڤدێرییا پێشھاتێن نەخواستى یێن ھەرێما کوردستانێ دکهت و وان هێرشان شهرمرزار دكهت، یێن كو ل رۆژا شهمبى 5 خزیرانا 2021، کرینه سەر ھێزێن پێشمەرگەى، ل دهڤهرا ئامێدیێ ل پارێزگهها دھۆکێ و د ئهنجامدا چەند پێشمهرگه و شەھید بریندار بوون.
گۆتییه ژى: ههبوونا ھێزێن چەکدارێن پارتییا کرێکارێن کوردستانێ دناڤا ئاخا ئێراقێ و ھەرێما کوردستانێ یا نه قانوونییه و پێدڤییە سنۆرهک بۆ وان دەست درێژیان بهێته دانان، كو مەترسی بۆ ئەمنا وهلاتییان و ئاسایشا ئێراقێ دروست دكهت، دەستوور رێگرە و رێكێ نادهت ئاخا ئێراقێ ببیتە ژێدهرێ ھێرشان بۆ سەر جیرانان.
دیار كرییه ژى: ڤهكێشانا ھێزێن تورکیا ل دهڤهرێن ھەرێما کوردستانێ و موسل ب پێدڤى دزانیت، چونکى ههبوون وان هێزان بهرۆڤاژى رێککەفتنامێن ناڤدەولەتییە، ھەروەسا ھێرشکرنا سەر دهڤهرێن کهمپا مەخمور یا مەترسیدارە بۆ ژیانا وهلاتییان و ئاواران، یا ههڤدژه ل گهل قانوونێن ناڤدەولەتی و مرۆڤان.
ئهو ژى گۆتییه: پێدڤییە چارەسەرییا کێشێن سنوورى و دۆسیەیا ئەمنی دناڤبهرا ھەردو وهلاتان دا بهێته كرن، ب رێیا ھەماھەنگی و لێكتێگههشتنێ، ئێراق دووپات دكهت كو نابیت ببیتە مەیدانا ئێکلاکرنا ململانێن ژ دهرڤه، ھەروەکو چاوا رێكێ نادهت كو ئاخا وێ ببیته جهێ هێرشكرنێ بۆ چ کەس و لایەنان.
