محه‌مه‌د حاجی مه‌حمود : ریفراندۆم كارته‌كا زیندییه‌ د ده‌ستێ ملله‌تێ كورد دا

محه‌مه‌د حاجی مه‌حمود، سكرتێرێ حزبا سیۆسیالیستا دیموكراتا كوردستانێ ب هه‌لكه‌فتا چار سالێن دیاركرنا رۆژا ریفراندۆمێ راگه‌هاند: ئه‌و بڕیارا‌ گرنگ یا جه‌نابێ سه‌رۆك بارزانی دای و لژنا بلند یا ریفراندۆمێ ب‌ هه‌موو هێزێن‌ سیاسی ڤه‌ پشته‌ڤانى لێكرى، بڕیاره‌كه‌ د‌‌‌ مێژوویا كه‌ڤن و نوو یا ملله‌تێ مه‌ دا نه‌بوویه‌، ئه‌وێن ل دژی ریفراندۆمێ ژى، ل رۆژا ریفراندۆمێدا تلێن خوه‌ بلند كرن و ب به‌لێ ده‌نگ ب‌ سه‌ربه‌خۆیا كوردستانێ دا، ئه‌و نه‌شیان خوه‌ لبه‌ر ئیراده‌یا میلله‌تی دا رابگرن.

ناڤهاتى گۆت ژى: من رێزه‌كا تایبه‌ت بۆ وێ رۆژێ‌ هه‌یه‌، كو ل‌ 25 سێپته‌مبه‌رێ بریاره‌كا چاره‌نڤیسساز و گرنگ تێدا دیار كر، من رێزه‌كا تایبه‌ت بۆ هه‌موو وان كه‌سان‌ هه‌یه‌، كو شیان‌ ل ژێر فشاران دا ب رێژه‌یا 93.8% بۆ سه‌ربه‌خوه‌ییا كوردستانێ ده‌نگى بده‌ن.

سكرتێرێ حزبا سیۆسیالیستا دیموكراتا كوردستانێ ئاماژه‌ ب هندێ دایه‌، ریفراندۆم كارته‌كا زیندییه‌، وه‌كو تاپۆیه‌كا ره‌شه‌، داخوازییا سه‌رجه‌م خه‌لكێ كوردستانێ یه‌ و هێشتا یا زیندییه‌ و د به‌ریكا هه‌موو تاكه‌كێ ڤى ملله‌تى دا‌یه‌‌، هه‌رده‌م ئه‌و كارته‌ یا‌ زیندییه‌، چونكى د‌ مێژوویێ دا كوردان گه‌له‌ك باج دایه‌.