پاسەوانێن سنۆری  خالەکا خوە ل چیایێ خامتیرى زێدەکر

ل دووڤ زانیاریێن خانی نیوز، بەری دەمەکێ فەرماندا ئێک یا هێزێن پاسەوانێن سنۆری دگەل هێزێن پێشمەرگەیێن فەرماندا دهۆک خالەکا لەشکەری ل گوپیتکا چیایێ خامتیرى ل سنورێ دەرکارێ زێدەکر، ژێدەرەکێ لەشکەری نەڤیا ناڤێ خوە ئاشکەرا بکەت تایبەت بۆ خانی نیوز راگەهاند، کو وان ئەڤرۆ خالەکا پاسەوانێن سنورى ل بلنداهییا چیایێ خامتیرى جهگیر کرییە و سەرەرای هندێ چەکدارێن پەکەکێ رێگر بوون ددانا ڤێ خالێ دا.

گوت ژی: رێگریا چەکدارێن پەکەکێ پتر ئەو بۆ کو پێشمەرگە خالا خوە ل وێرێ  نەدانیت لێ مە وەکو پاسەوانێن سنۆرى ب هەماهەنگیا پێشمەرگەیێن فەرماندا دهۆک خالا خوه‌ دانایە، ژبۆ ئێمناهیا دەڤەرێ و دیسان دا سوپایێ تورکیا ژی نەشێت ب بهانەیا چەکدارێن پەکەکێ خالێن خوە ل چیایێن بلندێن ستراتیژی بدانیت و پێشڤە چوونێ ژی نەکەت ، ل دووڤ زانیاریێن خانی نیوز چار خالێن لەشکەری یێن پاسەوانێن سنور پێش وەخت ل سنورێ ناحیا دەرکارێ هەبوون دگەل یا ئەڤرۆ کە دبنە پێنج دبەرنامەی داهەیە پاسەوانێن سنوری ل دەڤەرا زاخۆ هەژمارەکا دی یا خالێن لەشکەری بهێنە دانان.

نزار مەجید، خانی نیوز