مەسرور بارزانی، سەرۆکێ حکومەتا هەرێما کوردستانێ، ئهڤرۆ 7-3-2022 پێشوازی ل ئیسپن لیندبەک، بالیۆزێ نەرویج ل ئۆردن و عێراقێ کر و د دیدارهكێ دا، بهحسێ رهوشا گشتی یا عێراقێ و بزاڤێن پێکئینانا کابینا نوو و گهشهپێدانا پەیوەندیێن هەرێما کوردستانێ و نەرویجێ هاتنه كرن.
بالیۆزێ نەرویج ل ئوردن و عێراقێ، پڕۆژە و بەرنامێن وهلاتێ خوه ل عێراق و هەرێما کوردستانێ دیار كرن، ئامادەییا خوه بۆ پێشڤهبرنا زێدهتر یا پهیوهندییان ل گەل حکومەتا هەرێما کوردستانێ ل هەموو بیاڤان دا نیشان دا.
ژلایێ خوهڤه سەرۆکێ حکومەتا هەرێما کوردستانێ، سۆپاسیا هاریكارییا حکومەتا نەرویجێ ل چارچوڤێ ههڤپەیمانییا نێڤدەولەتییا دژى داعشێ کر و خواستا هەرێما کوردستانێ بۆ بهرفرههكرنا دەرفەتێن هاریكاریێ و هەماهەنگیکرنێ ل گەل نەرویج و ب هێزترکرنا پەیوەندیێن ههمهجۆر، ب تایبەتی د بیاڤێ ئابووری و وەبەرهێنانێ دا دەربری.
