وهزارهتا داد یا حكومهتا ههرێما كوردستانێ راگههاند، ل سالا 2021ێ بهراورد دگهل سالا 2020ێ ههژمارا فهرمانبهرێن وان كێمبوویه و 62 فهرمانبهرێن وان خانهنشین بووینه.
ئهڤرۆ رۆژا چارشهمبى ( 9/3/2022 ) وهزارهتا داد یا حكومهتا ههرێما كوردستانێ راگههاندنهك بهلاڤكر و تێدا دیاركرییه، ل سالا 2021ێ، بهراورد ب سالا 2020ێ ( 62 ) فهرمانبهر ل وهزارهتا وان كێمبووینه كۆ دبیته ب ریژا 1.4 %. ههروهسا بهراورد ب سالا 2016ێ ( 252 ) فهرمانبهرێن وان كێمبووینه كۆ دبیته ب رێژا 7 %، نوكه وهزارهتا داد 4 هزار و 418 فهرمانبهر ههنه.
ل گورهى ئامارهكا سالا 2020ێ، سهرجهمێ گشتى یێ فهرمانبهرێن ههرێمێ 751805 فهرمانبهرن، و سهرجهمێ گشتى یێ مووچهخۆرێن ههریمێ 1251451 كهسن.
زۆرترین ههژمارا فهرمانبهران ل وهزارهتا پهروهردێ یه كۆ 22.2 % یا فهرمانبهرین ههرێمێ سهر ب وێ وهزارهتێ نه، و سهرجهمێ گشتى یێ مووچهخۆرێن وهزارهتا پهروهردێ 167405 كهسن، ددوڤدا وهزارهتا نافخۆیه كۆ 144244 مووچهخۆر ههنه و دبیته رێژا 19.1% یا سهرجهمێ فهرمانبهران.
