سەرۆک بارزانی پێشوازی ل بالیۆزێ ئێكه‌تییا ئورۆپا ل عێراقێ كر

ئه‌ڤرۆ دوشه‌مبی” ل سەلاحەدین سەرۆک مەسعود بارزانی پێشوازی ل ڤیلی ڤارجولا بالیۆزێ ئێكه‌تییا ئورۆپا ل عێراقێ کر.

د دیدارەکێدا بالیۆزێ ئێكه‌تییا ئورۆپا پێزانین بۆ ڕۆلێ جەنابێ بارزانییێ نەمر د خەباتا گەلێ کوردستانێ دا ھەبوون، سه‌ره‌رایی دووپاتییێ ل دۆستایەتییا دناڤبه‌را گەلێ کوردستانێ و ئێكه‌تییا ئورۆپا دا، نیگەرانییا خوه‌ بەرامبەر هێرشا مووشەکی یا سەر باژێرێ ھەولێرێ نیشاندا و دووپاتکر” كو سەقامگیرییا پێگەهێ ھەرێما کوردستانێ و عێراقێ بۆ ئێكه‌تییا ئورۆپا جهێ گرنگییه‌كا زۆرە.

د وێ دیدارێدا ره‌وشا سیاسییا عێراقێ و پێنگاڤێن دەستوری بۆ پێکئینانا حکومەتا نوو یا عێراقێ هاتنه‌ به‌حس كرن و بیرورا ده‌ربارەیی ھۆکار و دەرھاڤێژین هێرشا مووشەکییا سەر ھەولێرێ و بزاڤ بۆ تێکدانا سەقامگیریێ هاتنه‌ لێك گۆهارتن.

سەرۆک بارزانی د به‌رسڤا پرسیارا بالیۆزێ ئێكه‌تییا ئورۆپا سەبارەت ئەنجامدەرێن وێ هێرشا مووشەکییا سەر هەولێرێ دیار كر: ئەوێن بەرپرسیاره‌تییا خوه‌ ژ وێ هێرشێ راگەهاندی د راستیدا نه‌شێن ب چ شێوەیان به‌رسڤا خەلكه‌كێ دیتر ل جهێ پێدڤی بده‌ن، بۆ ڤه‌شارتنا بێ شییانیا خوه‌ بهانه‌یێن بێ بنەما دئینن و هێرشێ دكه‌نه‌ سه‌ر خه‌لكێ بێ تاوانێ هه‌ولێرێ.

گه‌فێن تیرۆرێ و چارەسەرکرنا ھۆکارێن کۆچكرنێ تەوەره‌كێ دیتر یێ وێ كۆمبوونێ بوون.