پشکەك ژ وەلاتیێن گۆندێ ئەڤریکێ ل نێزیك دهۆکێ دخوازن کو هێلا رەفا دناڤبەرا گوندێ وان و دهۆکێ بهێتە دانان.
ل دویڤ پێزانینێن ئاژانسا خانی، پشکەك ژ وەلاتیێن گۆندێ ئەڤریکێ ل نێزیك دهۆکێ دخوازن هێلا رەفا دناڤبەرا گۆندێ وان و دهۆکێ بهێتەدانان، بەلێ ژبەر کێمبوونا نەفەرا و چارەسەرنەبوونا ئاریشێن خودانێن رەفا، هەتا نوکە هێلا رەفتا نەهاتیە دانان.
ئازاد گەرەگوهی، بەرپرسێ راگەهاندنا رێڤەبەرییا ڤەگۆهاستنێ ل پارێزگەها دهۆکێ بۆ ئاژانسا خانی گۆت، دەمەکە وەلاتیێن گۆندێ ئەڤریکێ دخوازن کو هێلا رەفا بو وان بهێتەدانان، بێگومان دانانا هێلا رەفا بو ئەڤریکێ زۆر گرنگ و پێدڤی یە، بەلێ هەتا نوکە هێشتا نەهاتیە دانان و چوو دەمێن دیارکری ژی نینن کو بهێتەدانان، ژبەرکو خودانێن رەفا گلەیا وێ یەکێ دکەن کو بۆ وان دەرنائینیت و پانزین گرانە.
