رێڤهبهرا گشتى یێ پلان دانانێ ل وهزارهتا چاندنێ و ژێدهرێن ئاڤێ د.زێدا محهمهد راگههاند، پێشبینى دهێتهكرن بهرههمێ ئهڤ ساله یێ گهنمى ل ههرێما كوردستانێ نێزیكى 400 هزار تهنان بیت، د دهمهكى دا ههرێما كوردستانێ بۆ ئاسایشا خوارنێ سالانه پێدڤى ب ئێك ملیۆن تهنا گهنمى یه.
د. زێدا محهمهد دیاركر، ل دۆڤ وێ راپۆرتا هاتییه بهلاڤكرن، ژ سالا 2004ێ وهره پێشبینى هاتییه كرن كو ههر تاكهكێ عیراقێ سالانه پێدڤى ب 192 كیلۆگرامێن گهنمى یه داكو پێدڤییێن خوه یێن رۆژانه پێ دابین بكهت، و ئهوژى ل دۆڤ رێژهیا ئاكنجییێن ههرێما كوردستانێ ئهگهر وهسا هزربكهن كو ئاكنجییێن ههرێمێ شهش ملیۆن كهسن، سالانه دێ پێدڤى ب زێدهتر ژ ئێك ملیۆن تهنێن گهنمى بن ههتا دگههنه ئاستێ ئاسایشا خوارنێ.
زێدهتر ئاشكراكر، ژبهر هشكهسالییێ پێشبینى دهێتهكرن بهرههمێ گهنمى یێ ئهڤ ساله بهرامبهر سالێن بوورى كێم ببیت، بۆ ڤى بابهتى ژى وان راپۆرتهك ئامادهكرییه و رێژهیا زیانێن هشكهسالییێ ل ههموو پارێزگههێن ههرێمێ تێدا دیاركرییه، و ئهو دهڤهرێن بههرا پترا زیانێن گهنمى دیتین گهرمیانه، كو هشكهسالییهكا تمام ل وێ دهڤهرێ روودایه.
ل داوییێ د. زێدا محهمهد دیاركر، 38 هزار و 948 جووتیار ل ههرێما كوردستانێ ههنه، بۆ ئهڤ ساله ژ سهرجهمێ سێ ملیۆن و 593 هزار زهڤییێن چاندنێ، دوو ملیۆن و 599 هزار و 580 دونهمان گهنم لێ هاتییه چاندن، و دووپاتى ل وێ چهندێ ژى كر، وان بۆ ههر ئێك تهنا گهنمێ ژ جووتیاران وهرگرتى 850 هزار دینار داناینه، و نها ژبلى سایلویێن حكومهتا ههرێما كوردستانێ، 20 سایلویێن دى ل ههولێرێ و 12 ل سلێمانییێ هاتینه درووستكرن و دبهرههڤن گهنمى ژ جووتیاران وهربگرن.
