ئەندامەکا په‌رله‌مانێ كوردستانێ: وانا پەروەردا ئایینى نەھاتیيە لادان

ئاژانسا خانی ، تایبەت:

ئەندامەکا لژنا پەروەردێ ل په‌رله‌مانێ كوردستانێ ڕەتدكه‌ت وانا پەروەردا ئایینى ھاتبیتە لادان دناڤا پڕۆژە قانوونا پەروەردێ و ئاشکرا کر: ھەموو وانە د سەرەکینە و دەستکاری د وانەیا ئایینێ دا نەھاتیەکرن.

گولستان باقی، زێده‌تر بۆ ئاژانسا خانی دیارکر: ئەو نووچێن دھێنە بەلاڤکرن لدۆر لادانا وانا ئایینێ دناڤا پڕۆژە قانوونا پەروەردێ چ راستی بۆ نینە، لدووڤ پڕۆژە قانوونا پەروەردێ ھەموو وانە وەك خۆ ماینە و بووینە وانێن سەرەکی، ژبه‌ركو دو جۆرێن وانان ھاتبوونە دیارکرن ئەو ژی وانێن سەرەکی و نە سەرەکی بوون، بەلێ گوھۆڕین ھاتییە کرن و ھەموو بابه‌ت بووینە وانێن سەرەکی.

ناڤهاتییێ ئاشکرا کر: ھندەك لایەنێن سیاسی و سازی یێن راگەھاندنێ پرۆپاگندان بەلاڤ دکەن، کو وانا پەروەردا ئایینی نامینیت، به‌لێ ئەم خەلکێ خۆ پشتڕاست دکەین وانا پەروەردا ئایینی دێ ھەر مینیت و دەستکاری تێدا ناهێته‌ كرن، وەك ھەر وانەکا دی ئایین وانەکا سەرەکییە دناڤا پرۆگرامێن خواندنێ دا.