مەسرور بارزانی سەرۆکێ حکومەتا هەرێما کوردستانێ، سەرهدانا وەزارەتا داد کر و ژ لایێ فەرسەت ئەحمەد وەزیرێ داد، پێشوازی لێ هاته كرن.
ل دیڤدا سەرۆکێ حکومەتێ، ب ئامادهبوونا وەزیر و سەرۆکێ جڤاتا شورا و سەرۆکێ داواکارییا گشتی و رێڤهبهرێن گشتییێن وەزارەتێ، سەرپەرشتییا کۆمبوونهكا تایبەت ب وەزارەتا داد کر.
ل دهسپێكا كۆمبوونێ، وەزیرێ داد،کورتیىهك دەربارەی کار و چالاکی و پلانێن وەزارەتێ و کارکرنا وان دچارچووڤێ کارناما کابینا نههێ دا پێشكێش کر.
سەرۆکێ حکومەتێ، د ئاخڤتنێن خوهدا ئاماژە بە گرنگییا وەزارەتا داد و سەقامگێرییا دادپەروەرییێ ب گشتی کر و گوت: دادپەروەری و بدهستڤهئینانا ڕازیبوونا هاووڵاتییان بنەمایێ سەرکهڤتن و بهێزبوون و مانا هەر دەستهەڵات و حکومرانییەکێ یه، ژبهر هندێ دخوازم وەزارەتا داد و هەموو دامودەزگههێن حکومەتێ، کارژ بۆ بجهئینانا دادپەروەریێ و خزمەتکرنا هاووڵاتییان ب گشتی و بێ جوداهى بهێته كرن.
سەرۆکێ حکومەتێ دووپاتى ل گرنگییا نههێلانا رووتین و بیرۆکراسی و پێشکێشكرنا ئاسانكارییێن پێدڤى بۆ وهلاتییان و دیجیتالكرنا خزمهتگوزارییێن گشتى یێن حكومهتێ كر، و ئامادهییا ههموو هاریكارى و ههماههنگییا حكومهتێ دگهل دادگههێن كوردستانێ دیاركر، داكو ب شێوهیهكێ پیشهیى و بلهز ئهركێن خوه دسزادانا تاوانبار و سهرپێچكارێن قانوونێ دا ب گشتى و ب تایبهت بازرگانێن مادهیێن هوشبهر بجهبینن و كێم خهمییێ نهكهن.
