یۆنامی: هەلویستێ ژیرانە پێدڤییه‌ بۆ رێگریکرنێ ل زێده‌بوونا ئالۆزییان

نوونەراتییا نەتەوێن ئێکگرتی ل عێراقێ دیار كر: ئەو ره‌وشا ل عێراقێ په‌یدا بوویی جهێ نیگەرانییێ یه‌ و گۆت” نوكه‌ هەلویستێ ژیرانە پێدڤییه‌ بۆ رێگریكرنێ ل زێده‌بوونا ئالۆزییان. 

ئه‌ڤرۆ شه‌مبییێ” 30-7-2022 نوونەراتییا نەتەوێن ئێکگرتی ل عێراقێ – یونامی راگەهاند، ئەو ره‌وشا پر ئالۆز یاكو ل وه‌لاتی یا بەردەوام جهێ نیگەرانییه‌كا كووره‌.  

گۆت ژی: نوكه‌ ره‌وشا وه‌لاتی پێدڤی ب هندێ هه‌یه‌ د ڤی ده‌می دا هەلویستێن ژیرانە دەربکەڤن و رێكێ نەدەن توندوتیژی د وه‌لاتی دا زێده‌ ببیت.

ئه‌و ژی ئاشكرا كرییه‌، هاندانا هەموو لایەنان دده‌ین ئالۆزییان کێم بكه‌ین، ئەڤه‌ ژی د بەرژەوەندییا هەموو عێراقییان دایە.