مەسرور بارزانی، سەرۆكێ حكومەتا هەرێما كوردستان بههلكهفتا 8 سالییا جینۆسایدا كوردێن ئێزدی پهیامهك بهلاڤكر و ڕاگههاند، د هەشتەمین ساڵڤەگەڕا جینۆسایدكرنا خوشك و برایێن ئێزیدی ل شنگالێ و دەردوورێن وێ لسەر دەستێ تیرۆریستێن دڕندە یێن داعش، ب خەم و كۆڤانڤە، بیرەوەرییا شەهیدان و بێ سەر و شوونێن وێ تاوانا هۆڤانە دكەینەڤە كو تێدا هزاران كەس ب كۆم شەهیدكرن و بێ سەر و شوون و دەربهدەركرن، ئەڤ تاوانە هندا ب دل ئێش و ناخ ههژین بوو كو چ جاران ناهێتە ژ بیركرن و وژدانا گەلێ كوردستانێ و مرۆڤایەتیێ هەژاند و پێدڤییە ب چ رەنگەكی رێك نەهێتەدان ئەڤ كۆمكوژی و تاوانە دووبارە ببنەڤه.
مەسرور بارزانی گۆت: دڤێ بیرەوەریێدا پێدڤییە قوربانیدانێن هێزا پێشمەرگەیێ كوردستانێ ل رزگاركرنا شنگالێ ب ڕێبەری و سەرپەرشتییا ئێكسەر یا جەنابێ سەرۆك مەسعود بارزانی ژ بیر نەكەین كو ب خوونا گەشا سەدان پێشمەرگەیێن قەهرەمانێن كوردستانێ شنگال ژ دەستێ تیرۆریستێن داعشێ هاتە ئازادكرن، خوشك و برایێن ئێزیدی، د دیرۆكا كەڤن و نویدا و ل درێژاهییا ساڵێن دەربازبوویی، ب مخابنیڤە گەلەك ئێش و دەردەسەری دیتینە، نوكه ژی ب سەدەما خۆسەپاندنا گرووپێن چەكدار، شنگال ههتا نوكه دهڤهرهكا نە تەنایە و خەلكێ وێ یێ ئاوارە نەشێن بزڤڕنەڤە.
سهرۆكێ حكومهتا ههرێمێ دیاركر: ب ئهڤێ هەلكهفتێ داكۆكیێ لسەر بجهئینانا ڕێككەفتنا شنگالێ و ئاساییكرنەڤا رەوشا دەڤەرا شنگالێ و دەركەفتنا میلیشیا و گرۆپێن چەكدار یێن ژ یاسایێ دەركەفتین دكەینەڤە داكو دووماهی ب ئێش و ئازارێن ئاوارەیێن شنگالێ بهێت و ب سەر بلندی بزڤڕنەڤە وارگەهێن خوه، ههروهسا دڤێ بیرەوەرییا خەمگیندا، دووپات دكەینەڤە، حكومەتا هەرێما كوردستانێ دێ یا بەردەوام بیت لسەر بزاڤێن خوه دگەل حكومەتا فیدرال و جڤاكا ناڤدەولەتی ژ بۆ زڤڕاندنا سەربلندییانە یا خوشك و برایێن ئێزدی بۆ سەر جهـ و وارێن وان ، پێخەمەت ئاڤەدانكرنەڤا شنگالێ و دەڤەرێن دی یێن ئێزیدییان دا كو خزمەتەكا هەژی بۆ بهێتەكرن و لدووڤ یاسایا ڕزگاربوویێن ئێزیدی، كۆ جڤاتا نوونەرێن عیراقێ پەسەند كری، قەرەبوویا كەسوكارێن قوربانییان بهێتەكرن.
