ئهڤرۆ ئێكشهمبى 7ى تهباخا 2022ێ سهرۆكێ ههرێما كوردستانێ نێچیرڤان بارزانى پێشوازى ل كونسۆلێ گشتى یێ ئهلمانیا ل ههرێما كوردستانێ كلێمنس زێمتنهرى كر، كو ب ناڤبرى ب ههلكهفتا ب دووماهى هاتنا ئهركێن خوه سهرهدانا سهرۆكێ ههرێمێ كر.
د دیدارهكێ دا سهرۆك نێچیرڤان بارزانى سوپاسى و پێزانینێن خوه بۆ كار و بزاڤێن كونسۆلێ گشتى یێ ئهلمانیا دپێشخستنا پهیوهندییێن ئهلمانیا دگهل ههرێمێ دا پێشكێشى ناڤبرى كرن، و داخوازا سهركهڤتنێ دئهركێن بهێن دا بۆ كر.
ژلایێ خۆڤه كونسۆلێ گشتى یێ ئهلمانیا خوشحالییا خوه بۆ كاركرنێ ل ههرێما كوردستانێ نیشاندا، و سوپاسى و پێزانینێن خوه بۆ هاریكارى و پشتهڤانییا لایهنێن پهیوهندیدارێن ههرێما كوردستانێ دكار و چالاكییێن خوه دا ل ماوێ كاركرنێ ل كوردستانێ دووپاتكر، ههروهسا رۆل و بزاڤێن سهرۆك نێچیرڤان بارزانى بۆ كۆمكرنا لایهنان و رێكخستنا وان بلند نرخاندن.
پهیوهندییێن عیراق و ههرێما كوردستانێ دگهل ئهلمانیا، پرۆسهیا سیاسى یا عیراقێ، رهوشا شنگالێ و چهند بابهتێن دى ژى د دیدارا واندا هاتنه گوتوبێژكرن.
