وه‌زیرێ نه‌فتا عیراقێ: بۆ بدووماهى ئینانا ناكۆكییان وان په‌یوه‌ندییێن به‌رده‌وام دگه‌ل وه‌زاره‌تا سامانێن سرووشتى یا هه‌رێمێ هه‌نه‌

وه‌زیرێ نه‌فتا عیراقێ ئیحسان عه‌بدولجه‌بار راگه‌هاند، وه‌زاره‌تا وان دپه‌یوه‌ندییێن به‌رده‌وام دایه‌ بۆ بدووماهى ئینانا ناكۆكییان دگه‌ل وه‌زاره‌تا سامانێن سرووشتى یا هه‌رێمێ دچارچووڤه‌یێ ده‌ستوورى دا.

وه‌زیرێ نه‌فتا عیراقێ بۆ رۆژنامه‌یا سه‌باح یا عیراقى دیاركر، وه‌زاره‌تا سامانێن سرووشتى ل دووڤ ده‌ستوورى دشێت كێلگه‌یێن نوو یێن نه‌فتێ په‌یدابكه‌ت و نه‌فتێ ژێ بده‌رێخیت و ب هنێریته‌ ژ ده‌رڤه‌، لێ ل دووڤ بریارا دادگه‌ها فیدرال ده‌رباره‌ى هنارتن و فرووتنا نه‌فتا هه‌رێما كوردستانێ، پێدڤییه‌ حكومه‌تا هه‌رێمێ پایه‌ندى بریارێ بیت و داهاتى راده‌ستى وه‌زاره‌تا نه‌فتا فیدرال بكه‌ت.

گوت ژى : وه‌زاره‌تا نه‌فتێ بزاڤێن وێ چه‌ندێ دكه‌ت كو رێكه‌ چاره‌یه‌كا گونجایى ببینیت داكو دووماهییێ ب ناكۆكییێن دناڤبه‌را هه‌ردوو لایان دا بینیت، ژبه‌ركو ئه‌ڤ كێشه‌یه‌ نافخویى یه‌ و دراگه‌هاندنێ دا گرنگییه‌كا ژ وێ مه‌زنتر پێ هاتییه‌ دان.