وهزارهتا باژێرڤانى و گهشتوگوزارێ دێ چار پرۆژهیێن خزمهتگوزارى ب كۆژمێ نێزیكى 126 ملیۆن دیناران ل سنوورێ پارێزگهها دهۆكێ بجهئینیت.
ئهڤرۆ 15ى تهباخا 2022ێ وهزارهتا باژێرڤانى و گهشتوگوزارێ دراگههاندنهكێ دا دیاركر، وهزارهتا باژێرڤانى و گهشتوگوزارێ ل سهر رێژهیا 15% یا داهاتێ باژێرڤانییێ، رهزامهندى بۆ خهرجكرنا 125،923،000 دیناران ب مهرهما بجهئینانا چار پرۆژهیێن خزمهتگوزارى ل باژێرێ دهۆكێ.
كۆژمێ دیاركرى دێ ل سهر داهاتێ سهرۆكایهتییا باژێرڤانیا دهۆكێ و ل سهر پلانا سالا 2022ێ ب مهرهما بجهئینانا چار پرۆژهیێن خزمهتگوزارى یێن نووژهنكرن و قێركرنا جادهیان هێته خهرجكرن و ڤان پرۆژهیان ب خۆڤه دگریت.
-
نووژهنكرنا چهند جادهیان ل سنوورێ باژێرڤانییا رۆژههلات / قۆناغا ئێكێ.
-
ڤهكرن و قێركرنا جادهكا 15 مترى.
-
نووژهنكرن و كونكریتكرنا چهند جادهیێن نێزیكى باخچێ چیمهن.
-
نووژهنكرنا چهند جادهیێن سنوورێ باژێرڤانییا رۆژههلات / قۆناغا دووێ.
