نێچیرڤان بارزانى ب یاداشتنامه‌یا لێكتێگه‌هشتنێ دناڤبه‌را وه‌زاره‌تا به‌ره‌ڤانییا ئه‌مریكا و وه‌زاره‌تا پێشمه‌رگه‌یدا یێ كه‌یفخۆشه‌

سه‌رۆكێ هه‌رێما كوردستانێ كه‌یفخۆشییا خوه‌ ب پشكداریكرنێ درێوره‌سمێن ئیمزاكرنا یاداشتنامه‌یا لێكتێگه‌هشتنێ دناڤبه‌را وه‌زاره‌تا به‌ره‌ڤانییا ئه‌مریكا و وه‌زاره‌تا كاروبارێن پێشمه‌رگه‌یدا دیاركر.

سه‌رۆكێ هه‌رێمێ نێچیرڤان بارزانى ل سه‌ر ئه‌كاونتێ خوه‌ یێ فه‌یسبۆكى ئاشكراكر، ئه‌و یێ كه‌یفخۆشه‌ دگه‌ل هاریكارا وه‌زیرێ به‌ره‌ڤانییا ئه‌مریكا والانده‌ر كۆمبووى، و سه‌رپه‌رشتییا رێوره‌سمێن ئیمزاكرنا یاداشتنامه‌یا لێكتێگه‌هشتنێ دناڤبه‌را وه‌زاره‌تا به‌ره‌ڤانییا ئه‌مریكا و وه‌زاره‌تا كاروبارێن پێشمه‌رگه‌یدا كرى، كو ب ئاماده‌بوونا سه‌رۆك وه‌زیرێن هه‌رێما كوردستانێ و جێگرێ سه‌رۆك وه‌زیران و به‌رپرسێن دى یێن هه‌رێما كوردستانێ و وه‌لاتێ ئه‌مریكا ل سه‌رۆكایه‌تییا هه‌رێمێ هاتنه‌ برێڤه‌برن.

زێده‌تر نێچیرڤان بارزانى دیاركر، ئه‌و سوپاسییا پشته‌ڤانییا به‌رده‌وام یا ئه‌مریكا بۆ هه‌رێما كوردستان و عیراقێ دبه‌رهنگاربوونا تیرۆرێدا دكه‌ت.