پارێزەرەکێ کەیسا زیندانی یێن بەھدینان ب تۆمەتا مادێن بێهۆشكەر ھاتییە دەستەسەر کرن

ئاژانسا خانی ، تایبەت:

بەرپرسەکێ سەندیکا پارێزەران ئاشکرا کر، ب تۆمەتا بکارئینانا مادێن بێھۆشكەر پارێزەرەکێ بادەکا زیندانی یێن بەھدینان ژلایێ ھێزێن ئەمنی ھاتییە دەستەسەر کرن و ھەمبەر دادوەری دانپێدان ب تۆمەتا خوە کرییە.

ئەیاد کاکەیی، سەرۆکێ لقێ ھەولێرێ یێ سەندیکا پارێزەرێن کوردستانێ بۆ ئاژانسا خانی دیار کر” بەری چەند رۆژان ھەرێم رەفعەت پارێزەرێ بادەکا زیندانی یێن بەھدینان ژلایێ ھێزێن ئەمنی ھاتییە دەستەسەر کرن و ژلایێ سەندیکایێ ڤه‌ ھژمارەکا پارێزەر ھاتینە راسپاردن بۆ ڤێ چەندێ دووڤچوونێ بۆ دەستەسەرکرنا وی ئەندامێ سەندیکا پارێزەران بکەن و دو پارێزەران کار لسەر کرییە.

ئەیاد کاکەیی گۆت ژی” پشتی دووڤچوون بۆ ھاتییە کرن دەرکەفتییە ھەرێم رەفعەت ب تۆمەتا بکار ئینانا مادێن بێھۆشكه‌ر ھاتییە دەستەسەر کرن و بادەکا وی ژلایێ پارێزەران ھاتییە دیتن و ناڤبری دانپێدان ب گونەھا خوە کرییە ل ھەمبەر دادوەرێ ئاسایشێ و داخوازکارێ گشتی، سەندیکا یا بەرھەڤە پارێزەر بۆ بەڕەڤانییێ بھێنە بەرھەڤکرن، بەلێ پارێزەرێ دەستەسەرکرنێ رەتکرییە کەس بەڕەڤانییێ ژ بادەکاوی بکەت و لدووڤ پشکنینێن بۆ ھاتینە کرن دەرکەفتییە مادێن بێھۆشكەر ل گەل خوینا وی تێکهەلبووینە.