هندرین محه‌مه‌د: بۆ ئه‌نجامدانا هه‌لبژارتنێن په‌رله‌مانێ كوردستانێ مه‌ پێدڤی ب 25 ملیۆن دۆلاران هه‌یه‌

 ئاژانسا خانی:

سەرۆکێ کۆمسیۆنا بلندا سەربەخۆیا ھەلبژارتن و ڕاپرسییێ ل ھەرێما کوردستانێ گۆت: نوكه‌ ئه‌م ئاماده‌كاری یێن مالی و ئیداری ل كۆمسیۆنێ دكه‌ین” ئه‌و دو هه‌ردو ئه‌ندامێن ئه‌ڤرۆ ئێكشه‌مبی سویندا قانوونی خوارین و ناڤێن هاتینه‌ په‌سه‌ند كرن” كاره‌كێ گه‌له‌ك باشبوو” ئه‌و ڤالاهییا مه‌ د كۆمسیۆنێ دا هه‌یی هاته‌ پر كرن و كارێن مه‌ ژی دێ به‌ره‌ف پێشڤه‌ چن” هه‌روه‌سا مه‌ ھەموو پشكێن كۆمسیۆنێ راسپاردینە بۆ هندێ ھەر ئێك ژ وان ئامادەکارییان بۆ ھەلبژارتنان بكه‌ت و پشتی هنگێ دێ كۆمبوونه‌كێ ئه‌نجام ده‌ین.

ھندرین محەمەد سالح، سەرۆکێ کۆمسیۆنا بلندا سەربەخۆیا ھەلبژارتن و راپرسییێ ل ھەرێما کوردستانێ، بۆ ئاژانسا خانی گۆت: مه هه‌موو‌ پشكێن كۆمسیۆنێ راسپاردینه‌ كو ھەر ئێک ژ لایێ خۆڤه پلانا کارکرنا تایبەت ب خۆڤه‌ ئامادە بکه‌ت بۆ هندێ ل سەر وی بنەمایی کار بهێته‌ كرن، هه‌روه‌سا خەملاندنه‌ك ژی بهێته‌ كرن بۆ هندێ كانێ مه‌ پێدڤی ب چەند بوودجەیی هه‌یه‌ بۆ ئەنجامدانا ھەلبژارتنان، لدووڤ خەملاندنا مە” وه‌كو كۆمسیۆن مه‌ پێدڤی ب نێزیکی 25 ملیۆن دۆلاران ھەیە ژ بۆ ئه‌نجامدانا هه‌لبژارتنان و 70% یا وی پاره‌یی دێ بۆ كارمه‌ندێن سه‌ر سندۆقان چیت و حکومەتێ ئامادەییا خۆ دەربرییە و دێ ل گه‌ل مه‌ یا ھاریکار بیت ژ بۆ دابینكرنا وی بوودجه‌یی.

ھندرین محەمه‌د زێده‌تر دبێژیت: هه‌موو كارێن مه‌ ب ره‌نگه‌كێ باش برێڤه‌ دچن” مه‌ نڤیساره‌ك بۆ ھەموو لایەنان ڤرێکرییە داكو د هه‌ڤكار بن ل گه‌ل مه‌ و ئه‌م ژی بەردەوام کارێ خۆ دكه‌ین، هه‌روه‌سا نوكه‌ ده‌مه‌كێ باش لبەر دەستێ مه‌ ھەیە و ئه‌م دشێن ئامادەکاری یێن گه‌له‌ك باش بكه‌ین بۆ هندێ ھەلبژارتن ل ده‌مێ خۆ دا بهێنه‌ كرن و دیسان كارێ مه‌ ژی ژ بۆ هه‌موو پارتێن كوردستانییه‌ و دڤێت ئه‌و ل گه‌ل مه‌ د هه‌ڤكار بن و هه‌كه‌ هه‌ڤكارییا مه‌ نه‌كه‌ن” دێ زیانێ گه‌هیننه‌ خۆ.