بریارا لێخۆشبوونا 15%ێ یا كرێیا ئاڤێ هاته‌ درێژكرن

ل سه‌ر فه‌رمانا وه‌زاره‌تا باژێرڤانى و گه‌شتوگوزارا هه‌رێما كوردستانێ، ده‌مێ لێخۆشبوونا 15ێ یا كرێیا هه‌ڤپشكێن ئاڤێ هه‌تا 21 خزیرانێ هاته‌ درێژكرن، رێڤه‌به‌رێ ئاڤا دهۆكێ ژى دبێژیت: ئه‌و پێشبینى دكه‌ن ئه‌ڤه‌ دووماهیك جار بیت ده‌مێ لێخۆشبوونێ بهێته‌ درێژكرن.

ڤه‌گێر ئه‌حمه‌د رێڤه‌به‌رێ ئاڤا دهۆكێ بۆ ئاژانسا خانى دیاركر، خه‌لكى مفایه‌كێ مه‌زن ژ بریارا لیخۆشبوونێ دیتییه‌، د ڤان دوو هه‌یڤاندا رێژه‌یه‌كا باش یا خه‌لكى سه‌ره‌دانا رێڤه‌به‌رییا ئاڤا دهۆكێ كرییه‌ و مفا ژ بریارا لێخۆشبوونێ دیتییه‌.

هه‌روه‌سا گوت: ئه‌ڤ درێژكرنا ده‌مێ لێخۆشبوونێ ل سه‌ر داخوازا خه‌لكى و پێشنیازێن رێڤه‌به‌رێن سازییانه‌، لێ ئه‌ڤه‌ جارا دووێ یه‌ د ئه‌ڤ ساله‌دا ده‌م دهێته‌ درێژكرن، ئه‌و پێشبینى ناكه‌ن جاره‌كا دى بهێته‌ درێژكرن.