شانده‌كێ بازرگانی یێ ئەمریکی دێ سەره‌دانا ھەرێما کوردستانێ كه‌ت

ئاژانسا خانی:

سەرۆکێ دەستەیا وەبەرھێنانێ ل ھەرێما کوردستانێ دیار كر: شانده‌كێ کۆمپانی یێن ئەمریکی هاتییه‌ ھەرێما کوردستانێ و وان دڤێت د بیاڤێ چاندنێ دا به‌رهه‌مهێنانێ بكه‌ن، بۆ وێ مه‌ره‌مێ ژی سوبه‌هی دەستەیا وەبەرھێنانێ دێ ل گه‌ل وان كۆم بیت.

د. محەمەد شوکری، زێده‌تر گۆت: شانده‌كێ ژوورا بازرگانییا ئەمریکی – کوردستانی، کو ژ 20 کۆمپانی یێن بازرگانی یێن ئەمریکی پێکدهێت سەره‌دانا ھەرێما کوردستانێ كرییه‌، مەره‌م ژ سەردانا وان ئه‌وه‌” وان دڤێت د کەرتێ چاندنێ دا ل ھەرێما کوردستانێ کار بکەن و ئه‌م‌ ژی وەکو حکومەتا ھەرێما کوردستانێ دێ ھەموو ئاسانکاری و ھاریکارییان بۆ کەین بۆ هندێ ل ھەرێما کوردستانێ کار بکەن”.

ناڤهاتی گۆت ژی: “ئەو شاندێ بازرگانی یێ ئەمریکی دێ بۆ هه‌یاما سێ ڕۆژان میننه‌ ل‌ ھەرێما کوردستانێ و ئه‌م ژی دێ ھانا ھەموو کۆمپانی یێن بیانی دەین بهێنه‌ ھەرێما کوردستانێ کار بکەن”.