سەرۆکاتییا باژێرڤانییا دھۆکێ داخوازییەکێ ژ وەلاتییان دکەت

سەرۆکاتییا باژێرڤانییا دھۆکێ داخوازێ ژ وەلاتیان دکەت” د هه‌یاما 30 رۆژان دا ئه‌و گۆرێن دکەڤنە بەر جادا 30 مەتری ل ماسیکێ راکەن و گۆرێن وان مرییان ھەموو بھێنە ڤەگوھاستن.

سەرۆکاتییا باژێرڤانییا دھۆکێ دیار كرییه‌: “ھەموو گۆرێن دکەڤنە بەر چێکرنا جادێ دێ ھێنە راکرن و ڤەگوھاستن بۆ گۆرستانێ، لەوما داخوازێ ژ کەسوکارێن وان دکەین د هه‌یاما 30 رۆژان دا دەست ب راکرنا گۆرێن مری یێن خۆ بکەن، چونکی جادا دێ ھێتە چێکرن و ئاگەھدارییا کەسوکارێن مرییان دکەین سەرەدانا پشكا یاسایێ ل سەرۆکاتییا باژێرڤانییا دھۆکێ بکەن”.

ئه‌و ژی گۆتییه‌: “ب مەرەما ڤەگۆھاستنا گۆرێن مرییان بۆ جھەکێ گونجایی لدووڤ رێنمایێن ئایینی و لژنا فەتوایێ ھەموو گۆرێن وان مرییان یێن کەڤنە بەر جادی دێ ھێنە راکرن و ڤەگۆھاستن، لەوما پێدڤییە وەلاتی سەرەدانا سەرۆکاتییا باژێرڤانییا دھۆکێ بکەن”.