ئاژانسا خانی:
جێگرێ سەرۆکێ لژنا ئاسایش و بەرگرییێ ل پەرلەمانێ عێراقێ دیار كر: ڤهکێشانا ھێزێن ھهڤپەیمانان ل عێراقێ كارهكێ ب ساناهی نینە و ڤی بابهتی گهلهك دانوستاندن دڤێن و د شییاندا نینه ب بریارهكێ ئهمریكا هێزێن خو ڤهكێشیت، د ههمان دهمدا پێدڤییه حکومەتا عێراقێ بڕیارێ ل سهر ئهڤی بابهتی بدهت.
سەگڤان سندی، زێدهتر گۆت: دانوستاندنێن دناڤبهرا عێراقێ و ھهڤپەیمانان ب پشكدارییا ھەرێما کوردستانێ دێ د بەردەوام بن و ڤی بابهتی گهلهك دهم دڤێت ههتاكو دگههنه رێککەفتنێ و لێکتێگەهشتنێ، لەوما یا ب ساناهی نینه بشێن زوو بریارێ بدهن، چونکی ئهڤه كۆمهكا بابهتانه پێكڤه د گرێداینه و پێدڤییهھەموو بهێنه ئێکلایی كرن.
ناڤهاتی گۆت ژی: پێدڤییە حکومەتا عێراقێ بڕیارێ دهربارەیی ھهڤپەیمانان ل عێراقێ بدهت، دهمێ حکومەت بڕیارهكا هوسا ددهت ژی دڤێت پشتی هنگێ بەرپرسیارەتییا ئەوێ بڕیارێ ھەلبگرێت، د ههمان دهمدا ھەر بڕیارهكا حكومهت ددهت ژی دڤێت د بەرژوەندییا گشتی دابیت” لهوما باشتره نوكه ههڤپهیمان بمیننه ل عیراقێ.
