شرۆڤەکاره‌كێ سیاسی: هه‌كه‌ هەرێمه‌كا سووننی ل عێراقێ بهێته‌ دامەزراندن دێ هه‌ڤركی دناڤبه‌را شیعه‌یان دا دروست بیت

شرۆڤەکاره‌كێ سیاسی دیار كر: هه‌كه‌ هەرێمه‌كا سووننی ل عێراقێ بهێته‌ دامەزراندن، د داهاتی دا دێ هه‌ڤركی كه‌ڤیته‌ دناڤبه‌را شیعەیان و گرووپێن وان یێن چەکداری، “شیعەیان نه‌ڤێت هەرێما کوردستانێ بمینیت، چونکی هەرێمه‌كا سەرکەفتییە”.

فەرهاد دزەیی، زێده‌تر گۆت: ئیران ل دژی فیدرالییه‌تا عێراقێیە” هه‌ر چه‌نده‌ مادێ فیدرالییەتێ ب هێزترین مادەیە ژ مادێن دەستوورێ عێراقێ و یێ پاراستییه‌” هه‌كه‌ ئەو مادە نەمینیت، دێ دەستوور ژی ژناڤ چیت.

هێشتا دبێژیت: ئه‌و لایه‌نێن شیعی یێن كو ئیران پشته‌ڤانییێ لێ دكه‌ت، وان نه‌ڤێت هەرێمه‌كا سووننی ل عێراقێ بهێته‌ دروست كرن” چونكی ئەگەر سووننی هەرێمه‌كێ دابمەزرینن، ئه‌و میلیشیاتێن سەر ب ئیرانێڤه‌ و ئەوێن ژ دەرڤه‌یی یاسایێ یێن ل باشوورێ عێراقێ ئێكودو ناهێلن و دێ ب شه‌ر چن” وان بیر و باوه‌رێن جۆدا هه‌نه‌ و باوه‌ری ژی ب ئێكودو نینه‌.

فه‌رهاد دزه‌یی” ئه‌و شرۆڤه‌كارێ سیاسییه‌ دبێژیت” نوكه‌ ل عێراقێ ئارامی و ئیمناهی نینە” هەر کەس بۆ خۆ حوکمی دكه‌ت و کەس ب کەسێ نینە” هه‌روه‌سا پشتی سالا 2003 ێ چ تشت نه‌مایه‌ ب ناڤێ ‘ئێکپارچەییا عێراقێ” نوكه‌ عێراق پارچە پارچە بوویە، ئه‌سمان، پارە و مۆلكێ عیراقێ نه‌ د ده‌ستێ عێراقێ دایه‌.