ئاژانسا خانی:
رێڤەبەرێ فەرمانگەها ھەماھەنگی و قەیرانان ل دهۆكی دیار كر: حكومهتا عێراقێ ب رهنگهكێ بەردەوام فشاران دئێخیتە سەر ئاواران داكو ب زۆری وان ڤهگهرینن.
پیر دەیان جەعفەر، زێدهتر بۆ ئاژانسا خانی دبێژیت: حکومەتا عێراقێ بڕیار دایە بۆ سالا نوو یا خواندنێ نوونەراتییێن خۆ ل ھەرێما کوردستانێ و ههموو ماموستایان ژی ڤهكێشیت و ئێدی ئاوارە نەشێن ل ھەرێما کوردستانێ بخوینن” ههر چهنده گهلهك قوتابی ل ھەرێما کوردستانێ ب زمانێ عەرەبی دخوینن، لهوما وێ بڕیارێ دێ کاریگەرییهكا گهلهك خراب ل سەر قوتابییێن ئاوارە ههبیت و دێ مەترسییێ ل سەر چارەنڤیسێ وان دروست كهت، چونکی ئاوارە نه ئامادەنه ب ڤی رهنگی ڤهگهرنهڤه سهر جهـ و وارێن خۆ و عێراق ژی فشاران دكهت و وان دڤێت ب زۆری ڤهگهریننهڤه.
ناڤهاتی گۆت ژی: خێزانێن وان قوتابییان د نهرازینه ژ وێ بڕیارا حكومهتا عێراقێ و وان نهڤێت قوتابخانێن وان بهێنه داخستن و وان دڤێت درێژییێ ب خواندنا خۆ بدەن، چونکی ل سنوورێ دهۆكێ ١٥ کەمپ ھەنە و 330 ھزار ئاوارە دناڤا وان کەمپان و ل دەرڤهیی کەمپان ھەنه، لهوما ئهڤ بڕیارە دێ کاریگەرییهكا گهلهك خراب دروست كهت.
پیار دهیان دبێژیت ژی: عێراقێ بڕیار دایە ئهڤ ساله ههموو کەمپان دائێخیت، ئهڤێ ژی دێ کاریگەرییهكا زۆر خراب ل سەر ئاواران ههبیت، چونکی دڤێت ئاوارە ب حهزا خۆ ڤهگهرنهڤه سهر جهـ و وارێن خۆ.
ههروهسا گۆت ژی: حكومهتا عێراقێ بریاردایه ل 30/7 ئهڤ ساله ههموو كهمپێن ئاواران دائێخیت و كهمپه دێ هێنه گرتن” ههروهسا ههكه رێككهفتنا شنگالێ هاتبا بجهئینان” خهلكێ شنگالێ بخۆ داڤهگهریتهڤه سهر جهـ و وارێن خۆ.
