ئەندامەکا کۆمیتەیا ناڤەندی یا پارتی دیموكراتی كوردستان دیاركر، بڕیارا دادگەها فیدرالی یا عیراقێ بۆ هەلوەشاندنا 11 كۆرسییێن كۆتا ل پەرلەمانێ كوردستانێ، هەڤدژی یاسایا هەلبژارتنێن عیراقێ و پێشیلكرنا مافێن پێكهاتایانە.
ئەڤرۆ ئەشواق جاف، ئەنداما کۆمیتەیا ناڤەندی یا پارتی دیموكراتی كوردستان ڕاگەهاند، “د یاسایا هەلبژارتنێن پەرلەمانی و جڤاتا پارێزگەهێن عیراقێ یا ژمارە 4 یا سالا 2023ـێ کورسی بۆ پشکا پێکهاتەیان ل جڤاتا نوونەرێن عیراقێ هاتینە دابین كرن”.
ئەشواق جاف دیاركر، “نەهـ کورسی ژ جڤاتا نوونەرێن عیراقێ بۆ پێكهاتەیان هاتینە دابینكرن، ئێك ژ مەرجێ بەربژاركرنی بۆ پشكا كۆتا ژ جڤاتا نوونەران، ئەوەیە كو پێدڤییە بەربژاری باوەرنامەیا ئامادەیی یان زێدەتر هەبیت”.
