د. دیندار زێباری دیاردكەت، د كابینەیا نەهێدا بجهئینانا ڕاسپاردەیا نیڤدەولەتی د بوارێ ئازاديیا ڕۆژنامەڤانییێ ب ڕێژەیا زێدەتر ژ 70% زێدەكرییە .
د. دیندار زێباری، ڕێکخەرێ ڕاسپاردەیا نیڤدەولەتی ل حکومەتا هەرێما کوردستانێ د لێدوانەكا ڕۆژنامەڤانیدا ڕاگەهاند، “ب پشتەڤانییا مەسرور بارزانی، سەرۆکێ حکومەتا هەرێما کوردستانێ و پشتی پەسەندکرنا پلانا حکومەتا هەرێما کوردستانێ بۆ مافێن مرۆڤی د کابینەیا نەهێدا (11) ڕاسپاردەیێن تایبەت ب کارێ ڕۆژنامەڤانییێ كەتنە د پڕۆسەیا بجهئینانێ دا كو ژ لایێ جڤاتا مافێن مرۆڤی سەر ب نەتەوەیێن ئێكگرتی و ئۆرگانەیێن دی یێن نیڤدەولەتی ئاراستەیی دامودەزگەهێن پەیوەندیدار کربوون، ڕێکارێن تایبەت ژی گرتبوونە بەر”.
ل دۆر پاراستنا مافێن یاسایی یێن ڕۆژنامەڤانان دیندار زێباری دیاركر، ل سالا 2023ـێ دا پێنج داخوازیێن یاسایی دژی دەزگەهێن ڕاگەهاندنێ بۆ دادگاهێ هاتبوونە بلندكرن ل سەر بابەتێن جودا ل سەر ئاسایشا نیشتمانی، ناڤزراندن و سڤكایەتیكرن و هێرش دابین کرن بۆ بەرەڤانیكرن ژ ڕۆژنامەڤانان و دەزگەهێن ڕاگەهاندنێ.
