سەرۆك مەسعود بارزانی د 50ەمین سالڤەگەرا سێدارەدانا لەیلا قاسم و هەڤالێن وێ، پەیامەك بەلاڤكر.
دەقێ پەیاما سەرۆك بارزانی:
بناڤێ خودێ مەزن و دلۆڤان
لەیلا قاسم نموونەیا بلند یا ئافرەتێن كوردە كو دیرۆك بۆ خۆ و گەلێ خۆ دروستكر. وێ شەهیدبوون وەكو شانازییەك قەبویلكر، لێ سەرێ خۆ بۆ جەللاد و دوژمنی شۆڕ نەكر. لەیلا قاسم و هەڤالێن وێ بۆ مە هەمییان وانە نە كو وەفاداری بۆ وەلاتی و بیروباوەران و مرنا سەربەرزانە، گەلەك ب بهاترە ژ ژیانا بندەستییێ.
د پێجییەمین سالڤەگەرا سێدارەدان و شەهیدكرنا لەیلا قاسم و نەریمان فوئاد مەستی و حەسەن حەمە ڕەشید و ئازاد سلێمان میران و جەواد هەمەوەندی دا، سلاڤ بۆ گیانێ وان یێ پاك و هەمی شەهیدێن ڕێیا ئازادییێ.
