پشتی سەرێ سالێ دێ پارەیێ كارمەندێن سەر سندوقێن دەنگدانێ هێنە بەلاڤكرن

خالد عەباس، بەرپرسێ ئۆفیسا دهۆك یا کۆمسیۆنا بلندا سەربەخۆیا هەلبژارتنێن عیراقێ بۆ ئاژانسا خانی ڕاگەهاند، بڕیارە ئەڤرۆ پارەیێ كارمەندێن سەر سندوقێن دەنگدانێ ژ لایێ وەزارەتا دارایی و ئابوورییا حکومەتا عیراقێڤە بۆ پارێزگەها دهۆکێ بهێتە هنارتن، پشتی سەرێ سالێ پارەیێ وان دێ هێنە بەلاڤكرن.

خالد عەباس دیاركر، ئەم پێدڤی ب 15 ڕۆژاینە بۆ ئامادەكرنا وی پارەی بۆ كارمەندێن سەر سندوقێن دەنگدانێ و پشتی پارە دهێتە ئامادەكرن دێ ل سەر 10 بانکێن پارێزگەهێ هێتە بەلاڤكرن.

دهێتە زانین، ل پارێزگەها دهۆكێ نەهـ هزار فەرمانبەران پشکداری د پڕۆسەیا هەلبژارتنێن کوردستانێدا كربوو و کوژمێ پارەیێ وان یێ دهێتە هنارتن دوو ملیار دینارن.