مه‌زلووم عه‌بدى ناڤه‌رۆكا كۆمبوونا دگه‌ل سه‌رۆك بارزانى ئاشكراكر

مه‌زلووم عه‌بدى فه‌رمانده‌یێ گشتییێ هێزێن سووریا دیموكرا ( هه‌سه‌ده‌ ) ناڤه‌رۆكا كۆمبوونا دگه‌ل سه‌رۆك بارزانى ئاشكراكر و گوت: ئه‌وان دووپاتى ل ئێك هه‌لویستییا كوردان ل سووریا كر.

هه‌روه‌سا ئاماژه‌ ب هندێ دا، كۆمبوونا وان دگه‌ل سه‌رۆك مه‌سعود بارزانى جهێ دلخۆشییێ بوو.

ل دۆر ناڤه‌رۆكا كۆمبوونێ ئاشكراكر، ئه‌وان به‌حسى وان گوهۆرینان كر یێن سووریا تێدا ده‌رباز دبیت و پێكڤه‌ دووپاتى ل هندێ كر، دڤێت كوردان ل سووریا ئێك هه‌لویست هه‌بیت، ئه‌و دیالۆگا دگه‌ل شامێ دهێته‌كرن، ب شێوه‌یه‌كێ ئاشتییانه‌ مافێ كوردان تێدا بهێته‌ پاراستن، هه‌روه‌سا دووپاتى ل هندێ كر، گرنگییا ئێكه‌تییا كوردان و ئارامییا ده‌ڤه‌رێ ب گشتى به‌رپرسیاره‌تییا هه‌موویانه‌ و دڤێت پێكڤه‌ دهاریكاربن.