روونشتنا دووێ یا پەرلەمانێ عێراقێ بۆ 7ی ڤێ هەیڤێ هاتە پاشخستن
ئەڤڕۆ شەمبی، 3 ی کانوونا دووێ یا 2026 ێ، فەرهاد ئەترووشی، جێگرێ دووێ یێ سەرۆکێ پەرلەمانێ عێراقێ دیار كر: روونشتنا دووێ یا پەرلەمانێ عێراقێ بۆ ڕۆژا 7ی کانوونا دووێ یا 2026 هاتیە پاشخستن.
بەری نوکە بڕیار بوو ئەو روونشتنە ل ڕۆژا دوشەمبی 5ی هەیڤێ بهێتە ئەنجامدان” ئەو ژڤانە هەڤدەم بوو ل گەل ب دووماهی هاتنا ماوێ خۆ کاندیدکرنێ بۆ پۆستێ سەرۆککۆمارێ عێراقێ.
د کۆمبوونێن ڕۆژێن 29 و 30ی کانوونا ئێکێ یا 2025ێ دا، پەرلەمانێ عێراقێ دەستەیا نوو یا سەرۆکاتیا خۆ بۆ خولا شەشێ یا یاسادانانێ هەلبژارت” ئەو پرۆسە ب هەلبژارتنا هەیبەت حەلبۆسی وەک سەرۆکێ پەرلەمانی، عەدنان فەیحان وەک جێگرێ ئێکێ و فەرهاد ئەترووشی وەک جێگرێ دووێ ب دووماهی هات.
ل دووڤ ماددێ 72 یێ دەستووری، پشتی هەلبژارتنا دەستەیا سەرۆکاتیا پەرلەمانێ عێراقێ، ماوێ 30 ڕۆژان ل بەر دەستێ پەرلەمانی هەیە” بۆ هەلبژارتنا سەرۆککۆمارێ نوو یێ وەلاتی” پشتی دهێتە هەلبژارتن، سەرۆکێ نوو یێ کۆماری دێ کاندیدێ مەزنترین فراکسیۆنا پەرلەمانی راسپێریت، کو ل دووڤ نەریتێ سیاسی پشکا پێکهاتێ شیعەیە، بۆ پێکئینانا حکومەتا نوو یا فیدرالی.
ئەڤ پۆستە لدووڤ نەریتێ سیاسی پشکا کوردانە، نوونەراتیا سەروەریا وەلاتی دکەت و پارێزگاریێ ل دەستووری و ئێکپارچەییا ئاخا عێراقێ دکەت” ماوێ سەرۆکاتییێ چار سالن و ب تنێ بۆ ئێک خولا دی دهێتە نووکرن.
