خانی نیوز:
جڤاتا پیرێن ئه‌مریكا ب پرانیا ده‌نگان پۆستێ دادوه‌رێ دادگه‌ها بلندا وى وه‌لاتى ئیكلاكر.
ل گۆره‌ى ئاگاهیێن میدیایا ئه‌مریكا، جڤاتا پیران ب ده‌نگێ پێنجى و دو ئه‌ندامان به‌رامبه‌رى ره‌تكرنا چل و هه‌شت ئه‌ندامان، ئێمى باریت وه‌كو دادوه‌را دادگه‌ها بلندا وى وه‌لاتى په‌سندكر، ب وێ یه‌كێ ژى هه‌ژمارا دادوه‌رێن كۆنسێرڤاتیڤ ل وێ دادگه‌هێ بوونه شه‌ش دادوه‌ر و یێن لیبرال ژى سێ دادوه‌رن.
ل گۆره‌ى گۆتنا بسپۆران ژى په‌سندكرنا ئێمى باریت وه‌كو دادوه‌ر ل دادگه‌ها بلند به‌رى هه‌لبژارتنێن سه‌رۆكاتیا ئه‌مریكا،سه‌ركه‌فتنه‌كا مه‌زنه بۆ كۆماریان و دلگرانیه‌كا مه‌زنه بۆ دیمۆكراتان.
ل گۆره‌ى قانوونا ئه‌مریكا دادوه‌رێن دادگه‌ها بلند ژ ئالیێ سه‌رۆكى ڤه دهێنه به‌ربژاركرن و جڤاتا پیران ده‌نگى ل سه‌ر دده‌ت كو نها ئه‌و جڤات ل ژێر كۆنترۆلا كۆماریانه، ئه‌و كه‌سێ د وى پۆستى ژى دا ده‌ستبكار دبیت، هه‌تا مرنێ د كارێ خوه‌دا دمینیت.
ئێمى باریت وه‌كو دادوه‌را دادگه‌ها بلندا ئه‌مریكا هاته ده‌ستنیشانكرن
